Пожар во Скопје, пет деца спасени навреме

Пожар избувнал вчера околу 10:50 часот во куќата сопственост на А.Џ.(48) на улицата „Брсјачка Буна“ во Скопје, од засега непознати причини.

Од полицијата информираат дека сопственикот во моментот не бил дома, а во куќата биле неговите пет малолетни деца и истите навремено биле евакуирани од страна на соседите.

-Покрај неговата куќа, која била целосно опожарена, зафатени биле уште три соседни куќи, сопственост на Џ.Х.(26), на Ѓ.Ф.(35) на двете им биле опожарени само кровните конструкции, и на Н.Л.(42) на чијашто куќа била оштетена фасадата и кровната конструкција од помошен објект, информираат од МВР.

Пожарот бил изгаснат во 11,45 часот од страна на екипи на Бригадата за противпожарна заштита. Се работи на целосно расчистување на настанот.

Leave a Reply

Your email address will not be published. Required fields are marked *