Шопската салата е традиционално јадење од балканската кујна, најмногу во Србија, Бугарија, Македонија и Чешка.
Оваа комбинација од домати, краставица, пиперки, кромид и сирење е вистински специјалитет, но дали некогаш сте се запрашале од каде потекнува нејзиното име?
Некои историчари сметаат дека името на салатата потекнува од Шопите. Овој народ е потомок на едно од осумте племиња Печенези.
Шопите живееле во областа Шоплук, која според некои географи ја опфаќа цела западна Бугарија, источниот и североисточниот дел на Македонија, дел од југоисточна Србија и многу мал дел од денешна Грција.
Овој предел денес го населуваат Бугари, Срби и Македонци.
Шопите имале навистина оригинален и карактеристичен фолклор, а се занимавале со сточарство. Биле познати по нивното квалитетно сирење од кое не го ваделе кајмакот, па најверојатно одовде е и нивната поврзаност со шопската салата.
Интересно е што во 2014-та година, шопската салата била прогласена за најпопуларна во Европа. Таа година бил одржан натпреварот Tastes of Europe (Вкусовите на Европа) и шопската салата добила најмногу гласови – дури 20.000.
Во натпреварот учествувале 28 традиционални европски специјалитети, но шопската салата победила со разлика од речиси 15.000 гласови.