Конечно, најфреквентната улица во Делчево „Светозар Марковиќ“ доби асфалт. Улицата која е во должина од 540 метри беше долгогодишна главоболка и на пешаците и на возачите.
- Асфалтирањето е од огромно значење бидејќи се наѓаат повеќе институции , градинка, училиште,автобуска станица, додека во ДУП има и др. деловни објекти, катни гаражи, изјави Горан Трајковски, градоначалник на Делчево.
Изградбата на улицата е во рамките на проектот „Општински и рурални инвестиции“, во кој се опфатени и улиците Питу Гули,и Маршал Тито, а вкупната вредност на проектот изнесува 260 илјади евра грант од ЕУ преку ИПА претпристапните фондови, а администрирани според правилата на Светска банка преку Министерството за финансии.
- Овде е планирано поставување на тротоар, атмсферска канализација е изведена, а изведна е и на улиц Пити Гули, а ќе се изведе и на улицата Маршал Тито, појасни Трајковски.
За делчевци , патната инфраструктурата е приоритетен проблем за решавање
- Порано улицата беше лоша, кал, песок, дупки, сега е добро, само треба да ја чуваме, велат жители на Делчево.
Улицата „Питу Гули“ во Милково Брдо е завршена, а реконструкцијата на улицата „Маршал Тито“ доколку дозволат временските услови, ќе се започне наскоро.