ИЗВЕСТУВАЊЕ ОД СВЕТИОТ ХРАМ „УСПЕНИЕ НА ПРЕСВЕТА БОГОРОДИЦА“ ДО ПРАВОСЛАВНИТЕ ВЕРНИЦИ ОД МАКЕДОНСКА КАМЕНИЦА
Македонска Каменица, 14.01.2020 година – Свештениците при Светиот храм „Успение на Пресвета Богородица“ во Македонска Каменица по повод големиот христијански празник Богојавление- Водици, ги известуваат сите верници кои ќе земат учество во фаќањето на Светиот крст да достават потврди од матичните лекари за нивната здравствена состојба до свештенството при храмот.
Свештенството ја користи оваа пригода и да укаже на учесниците во овој свет чин, да се однесуваат пристојно и во духот на православната вера.
Денот пред Богојавление- Водокрст (18. Јануари) е пост (на масло), а во недела на Богојавление- Водици (19. Јануари) не се пости, односно се блажи.