Изминатиов викенд, во спортската сала на ООУ „Св. Кирил и Методиј“ се одигра меѓународниот кошаркарски турнир „Каменица 2016“. Покрај КК „Баскет Кам“ на турнирот учествуваа и екипите на КК „Бадел 1862“ од Скопје и БК „Рилски спортист“ од Самоков, Бугарија. Овој турнир беше можност за домашниот клуб да си ги провери силите пред стартот на новата натпреварувачка сезона.
Од раководството на КК „Баскет Кам“ најавија уште вакви спортски настани и гостувања на реномирани европски клубови во Македонска Каменица.