Дури осум кошаркарки на КК Баскет Кам 2011 влегоа во составот на младинските кошаркарски репрезентации на Македонија.
Како што информираа од тимот три кошаркарки влегуваат во составот на М-20 репрезентацијата. Се работи за кошаркарките Моника Зафировска, Елена Тасевска и Ива Чолаковска, кои ја продолжуваат традицијата на КК Баскет Кам 2011 за учество во националните бои на кошаркарската репрезентација.
Во списокот на женската М-18 репрезентација на Македонија од Баскет Кам се најдоа Марија Николов и Ана Милованова.
Стела Стојановска е дел од составот на М-16 репрезентацијата, а Матеја Владимирова и Милена Зафировска веќе бележат успешни настапи во составот на М-14 репрезентацијата на Македонија.
Учеството во репрезентативните бои на Македонија, стручниот тим го бележи како уште еден голем успех на Баскет Кам и потврда за подемот на клубот во национални и меѓународни натпреварувачки рамки.