Во интерес на вистината kamenica.mk прва го објавува името на конфекцијата од Македонска Каменица во која текстилните работнички веќе неколку денови преку работнички штрајк се борат за своите елементарни права и услови за работа. За штрајкот на текстилните работнички иако известуваат повеќе регионални и национални медиуми, јавни гласила и работнички синдикати, името на конфекцијата, од сите нив заради нејасни причини, се крие и премолчува.
ДООЕЛ “МАТЕА” (во минатото позната и како ЛУКА) е конфекцијата во која текстилните работнички за работни 11 часа работни дневно, вклучувајќи и работни саботи и недели едвај добивале платен надомест од по 6000 денари.
ДООЕЛ “МАТЕА” е конфекцијата каде тешките услови за работа и немањето слух и интерес на сопствениците за загрозувањето на здравствената состојба на работниците, неплатената прекувремена работа, превоз и храна, уцени со откази, лични навреди и закани врз сите текстилни работници е нивна реалност и мрачно секојдневие.
Kamenica.mk ја поддржува борбата на текстилните работници од ДООЕЛ “МАТЕА” за своите права и со своето објективно известување го дава својот придонес во решавањето на проблемите на истите.
Во наредните денови очекуваме средба со раководителите и претпоставените лица од ДООЕЛ “МАТЕА” за да ја слушнеме и нивната страна на вистината.
Г.Б. – Р.