Македонска Каменица, 08.09.2020 година – Градоначалничката на општина Македонска Каменица по повод 8 Септември – Денот на независноста упати писмена честитка до граѓаните во која се вели:
Почитувани граѓани,
Во мое лично име и во име на Советот на општина Македонска Каменица, ми претставува особена чест и задоволство да Ви го честитам 8-ми септември – Денот на независноста. Денот кога пред 29 години граѓаните го остварија стремежот и го трасираа патот кон независна, демократска, самостојна, суверена и слободна Македонија.
Денес сме држава која забрзано и демократски чекори на патот кон меѓународните интеграции градејќи добри односи со соседните држави и со својот мултиетнички успешен модел за соживот.
Посветени кон остварување на нашата европска и евроатлантска иднина, отворени кон светот ја правиме нашата татковина меѓународно призната и почитувана.
На сите граѓани, им го честитам 8-ми септември Денот на Независноста со искрени желби за мир, благосостојба, просперитет и подобра иднина.
Со почит,
Соња Стаменкова
Градоначалник на општина Македонска Каменица