Жител на кочанското село Теранци со нож го пробол својот син, информираше МВР.Според полицијата, инцидентот се случил вчера околу 23.20 часот во селото кога дошло до расправија меѓу Д.С. (75) и неговиот син Д.С. (38). Кавгата преминала во тепачка во која таткото извадил нож и два пати го пробол синот.
Повредениот Д.С. бил пренесен во Медицински центар Кочани каде му биле констатирани тешки телесни повреди и бил задржан на понатамошно лекување. Полицијата го привела Д.С. кој е притворен во Полициската станица Кочани.