ВИСОКА ПОБЕДА НА ЖКК БАСКЕТ КАМ ПРОТИВ КАВАДАРЕЧКИ ПРОБАСКЕТ
Во 10. Коло од Првата женска кошаркарска лига на Македонија, екипата на ЖКК Баскет Кам – Македонска Каменица убедливо го совлада кавадаречки Пробаскет со 93:51 поен.
ЖКК Баскет Кам до оваа видока победа рутински. Со тимска игра и пожртвуваност успеа да стигне до максимални “девет од девет” во домашното првенство. Најуспешни и немилосрдни кон противничкиот кош беа Марија Николов со 25 поени, 23 поени постигна Ана Милованова и 15 постигнати поени запиша одличната Зорица Караѓозова. Натпревар во кој сите кошаркарски на ЖКК Баскет Кам добија можност за двоцифрена минутажа на теренот.
По комплетирањето на деветото коло, ЖКК Баскет Кам има дополнителна бодовна предност пред ЖКК Вардар кој беше поразен на домашен терен од разиграниот МЗТ Скопје со 64:68.