Млад човек од Лесковац во Србија патувал 30 часа до Кушадаси во Турција со Застава 101, попознат како Стојадин.

Имено, тој со овој автомобил успеал да стигне до Кушадаси, токму во моментот кога се повеќе автомобили се расипуваат на патот кон морето.

Младиот човек кој се прослави на „Тик Ток“ токму поради љубовта кон старите автомобили „Застава“, покажа дека доколку Стојадин правилно се сервисира и вози, многу добро може да послужи како превозно средство до морето.

Иако годинава со Стојадин отиде во Улцињ и Паралија. Сепак, вистински тест беше патувањето во Турција во најтоплиот месец од годината. Но, Стојадин покажа дека може да издржи 30 часа и стигна до турското крајбрежје.

„Отидовме во Азија, со Стојадин. Возев околу триесет часа, па не застанавме. Ги поместуваме границите“, вели младиот човек кој на ТикТок е познат како Алексиќ Мото.