Бугарски државјанин фалсификувал картички во Македонија, а не украл ни денар

Бугарски крадец фалсификувал картички, а не украл ни денар

25.X.2017 (kamenica.mk)

Отсекот за истраги на интернет и електронско плаќање при МВР поднесе кривична пријава против Ј.Ј.И. (29) од Република Бугарија поради постоење сомнение за сторени кривични дела „правење, набавување или отуѓување средства за фалсификување“ и „изработка и употреба на лажна платежна картичка“.

Како што информира МВР, Ј.Ј.И. во периодот од 12 февруари до 24 февруари 2016 година неовластено набавил уреди за снимање на банкарски податоци и банкарски податоци од вистински платежни картички и податоци за носителите на тие платежни картички.

„Тој, четири пати поставил нелегална опрема за копирање на податоци од платежни картички (скимер уреди) на банкомати на домашни банки лоцирани во повеќе градови во Република Македонија со цел да набави банкарски податоци од вистински платежни картички на македонски државјани и податоци за носители на тие платежни картички. Ниту една банка досега не пријави штета“, соопшти МВР.

Преку Секторот за меѓународна полициска соработка лицето било идентификувано, а било потврдено дека Ј.Ј.И. бил приведен на 14 мај 2016 година во Букурешт, Република Романија, исто така, по поставување скимер уред на банкомат.

Leave a Reply

Your email address will not be published. Required fields are marked *