Богат спортски викенд во Македонска Каменица. Еве го распоредот на натпревари

Богат спортски викенд во Македонска Каменица

Викенд во кој екипите од Македонска Каменица се натпреваруваат на домашен терен.
Почнувајќи од утре, сабота 25. Февруари со почеток од 14:00 часот, на градскиот стадион во Македонска Каменица, ФК Каменица САСА го пречекува лидерот на табелата во Втората фудбалска лига на Македонија, екипата на ГФК Гостивар.

Утрешниот термин од 12:00 часот е резервиран за натпревар од XIX коло од Втората кошаркарска лига на Македонија, помеѓу КК Баскет Кам и КК Соколи од Штип, главен конкурент на скопски Вардар во борбата за првото место на табелата.

Во недела, со почеток од 13:00 часот, истовремено се играат два натпревари од женските прволигашки натпреварувања во фудбал и кошарка.
Девојките од ЖФК Каменица САСА ја пречекуваат ЖФК Речица на градскиот стадион во Македонска Каменица.

Во исто време, ЖКК Баскет Кам во Спортската сала во Македонска Каменица е домаќин на ЖКК Крива Паланка. ЖКК Баскет Кам е лидер на табелата во Првата женска кошаркарска лига на Македонија.
Почетокот на натпреварот е во 13:00 часот. Претходно на истиот терен, младинските екипи на ЖКК Баскет Кам во (М16) и (М18) конкуренција, со почеток од 11:00 часот, ги пречекуваат соодветните екипи на Ринија од Куманово.

Викенд кој ветува многу возбудувања за каменичката публика на трибините и воопшто за љубителите на фудбалот и кошарката од Македонска Каменица. Се надеваме на многу успех и победа во сите натпревари на нашите клубови!

По добивањето на термините од останатите натпревари, истите ќе бидат дополнително објавени.

#КаменицаУбавГрад

Leave a Reply

Your email address will not be published. Required fields are marked *