Голем одрон го попречува движењето на возилата на патниот правец Македонска Каменица -Делчево во близина на село Драмче. Возачи јавуваат дека точната локација на одронот е во близина на селската продавница во село Драмче.
-Состојбата налага сите кои патуваат на овој патен правец да внимаваат особено во близина на продавницата во село Драмче. На местото е поставена сообраќајна сигнализација за забавување на движењето на возилата, но бидејки местото се наоѓа на кривина препорачливо е кога се приближувате до ова место да ја намалите брзината, соопштија возачи.
Додаваат дека поситни одрони на повеќе места се забележливи и долж патниот правец од Македонска Каменица кон Кочани.
Од Македонија пат информираат дека нивни екипи се на терен и работат на отстранување на одроните.