Баскет Кам го одбрани трофејот во Купот на Македонија

МАКЕДОНИЈА

Баскет Кам го одбрани трофејот во женскиот кошаркарски куп

Објавено

на

Екипата на Баскет Кам втора година по ред го освојува македонскиот кошаркарски куп во женска конкуренција, а денеска славеше против Бадел 1862 (64:61) во реприза од ланското финале.

Составот од Македонска Каменица мораше да игра продолжение за да стигне до трофејот, откако регуларните четириесет минути завршија со резултат 58:58, за во дополнителните минути Баскет Кам да биде поуспешен со 6:3.

Поразениот тим ќе жали што ја прокоцка предноста во последниот период, бидејќи Бадел водеше со 49:40 на стартот на последната етапа, но Баскет Кам за само три и пол минути го презема водството.

Пуљизовиќ со 23 и Алексиќ со 15 поени беа најефикасни во победничката екипа, а двоцифрен учинок имаше уште само Тасевска со 10 поени. Кај „баделки“, Стојановска реализираше 22, а Трајчевска 16 поени.

Кристина Пуљизовиќ е избрана за МВП на завршниот куп турнир.

Leave a Reply

Your email address will not be published. Required fields are marked *