Ана Милованова стави потпис на договорот со Баскет Кам

Младата Ана Милованова го стави својот потпис на договорот со ЖКК Баскет Кам од Македонска Каменица.

Доаѓа од Велес, каде уште од најрана 6 годишна возраст почнува да тренира во Борец Баскет. Кариерата од својата 14 годишна возраст ја продолжува во скопски Вардар каде бележи одлични натпревари во повеќе младински категории. Успесите во клубот се предуслов за настап со златната кошаркарска М-16 репрезентација на Македонија на турниот во Грузија.

На својата бековска позиција во рамки на настапите за репрезентацијата бележи висок просек од 9,3 поени, 6 скока и 3,8 асистенции по натпревар.

Ова е уште едно одлично засиливање на Баскет Кам, кое во секој поглед ќе допринесе за развој на клубот преку работа со млади и талентирани кошаркарки од целата држава и странство.

Leave a Reply

Your email address will not be published. Required fields are marked *