Манчестер јунајтед успеа да го направи тоа во што никој не веруваше, откако триумфираше со 3:1 на „Паркот на принцовите“, пласирајќи се во четврт-финалето на Лигата на шампионите, и придонесувајќи за уште една „ЛШ трагедија“ за Пари Сен-Жермен.
Во Португалија пак, Порто успеа да ја надополни предноста од 2:1 на Рома од првиот меч, со идентична победа, по која на „Драгао“ ќе се играат продолженија.
Човек на одлука во Париз беше Маркус Рашфорд, кој постигна гол од пенал во 92. минута од мечот, но архитектот на триумфот е Ромелу Лукаку, откако белгискиот напаѓач двапати казни грешки на одбраната на ПСЖ во првото полувреме. Ова, секако, би требало да значи дека Оле Гунар Солксјер ја врати довербата на навивачите на Манчестер јунајтед и наскоро би требало да биде промовиран во регуларен тренер на „ѓаволите“.