80 текстилни работници од Штип денес ги сопреа машините и наместо на работа излегоа на протест. Лути се на газдата зашто од него не добиле ни пари ни почит:
- Немаме здравствено, пензиско, немаме плата, како што ги гледате луѓето, така сите работат, ладно е, мраз, изјави текстилен работник.
Фабриката е сопственост на инвеститор од Турција, а во Штип работи одвај една и пол година, а се занимава со шиење на т.н. тешка конфекција, но тешко им било и на работниците:
- Јас сум болна, немам осигурување, не можам да си ги земам лековите, изјави работничка.
Работниците се категорични дека заработеното, мора да им биде и исплатено:
Со нашиот труд, со нашата работа, да бидеме зафркнати, пцуени, изјави работничка.
Во фабриката работат околу 80 работници, од кои најголем дел се единствените ваботени во семејствата:
- Ситуацијата е катастрофа, нашата ситуација е страшна, изјави работничка.
Случајот е пријавен и во трудовата инспекција. Оттаму информираат дека веќе разговарале со менаџерите во фабриката и добиле гаранции дека до утре ќе им се исплати платата и придонесите за септември.
Октомври бил целосно подмирен, а за останатите долгови кои ги посочија работниците, сé уште не е истечен законскиот рок за плаќање и тие ќе биле подмирени навремено.