Тешка сообраќајна несреќа кај Калиманско езеро

Сообраќајот во моментов на магистраланиот пат Кочани-Македонска Каменица кој води кон граничниот премин со Бугарија е затворен за сообраќај во двете страни.

Тешка сообраќајна несреќа, во која е повредено едно машко лице се случи попладнево на магистралниот пат Кочани-Каменица во близина на браната Калиманци.

Портпаролот на СВР Штип, Гордана Панајотова за МИА вели дека сѐ уште не е утврден идентитетот на лицето.

Несреќата се случила во 15:50 часот меѓу тешко товарно возило „мерцедес“ со бугарски регистарски таблички и автомобил марка „опел“ без регистарски таблички.

Во несреќата тешко е повредн возачот од автомобилот кој веднаш е пренесен во кочанската Опшата болница, но како што информира Панајтова, поради серозноста на повредите, лицето е транспортирано на клиниките во комплесот „Мајка Тереза“ во Скопје каде што лекарите се борат за неговиот живот.

Увидот на местото прават полициските службеници и јавен обвинител, а сообраќајот во моментов на магистраланиот пат Кочани-Каменица кој води кон граничниот премин со Бугарија е затворен за сообраќај во двете страни.

По завршувањето на увидот се очекува сообраќајот да се нормализира.

Возилата коишто патуваат кон Македонска Каменица и Делчево се пренасочуваат кон патните правци од Виница Бигла и Виница-Берово-Пехчево-Делчево граничен премин

Leave a Reply

Your email address will not be published. Required fields are marked *