Владата пред речиси две недели најави субвенции за инвертер клими, а засега не е познато кој ќе ја финансира оваа мерка и колку домаќинства ќе бидат опфатени со истата.
До стартот на грејната сезона има уште еден месец, но екологистите скептични велат дека со мерките за загадувањето повторно се доцни.
„Целта ни е да вратиме дел од исклучените 14.000 домаќинства во системот на БЕГ. Таму каде што не е возможно тоа, каде граѓаните се греат на дрва, и каде што загадувањето е најголемо, значи не само во Скопје, туку и во другите градови, планираме да воведеме сет мерки за субвенционирање“, изјави Митко Андреевски, претседател на Комисјата за енергетика на СДСМ.
Од ВМРО-ДПМНЕ се скептични во однос на оваа мерка затоа што „не придонесуваат ништо за подобрување на животот на граѓаните, а власта не може да го реазлира ниту планираниот буџет за годината“.
Повикот за такви субвенции е отворен до 30 ноември.