НАЈСТУДЕНО ВО БЕРОВО, НАЈМНОГУ СНЕГ ВО МАВРОВО

Најмногу снег во Маврово, најстудено во Берово

Најниски температури од -4 степени утрово се измерени во Берово, -2 во Крива Паланка и Маврово, нула во Тетово, Битола, Македонска Каменица и Скопје Петровец, еден степен во Претор, Пожаране, Охрид, Штип, Прилеп, два степени во Виница, Струмица, Крушево, Скопје, Тополчани, Ѓуриште и Дебар, четири во Демир Капија, шест во Гевгелија и седум во Дојран.

Висината на снежната покривка утрово во Маврово изнесува 53 сантиметри, во Крушево 33, во Пожаране 26, во Ѓуриште осум, во Охрид шест, а во Тетово еден сантиметар, информираат од Управата за хидрометеоролошки работи.

Времето денеска ќе биде претежно облачно со слаб до умерен ветер од југоисточен правец. Преку ноќта ќе има локални врнежи од дожд, на планините снег. Максималната температура ќе биде во интервал од осум до 13 степени.

Во Скопје, претежно облачно со слаб југоисточен ветер. Во ноќните часови ќе има повремен дожд. Максималната температура ќе достигне до девет степени.

Од утре ќе следува период на претежно облачно време со повремени локални врнежи од дожд, а на некои повисоки места и на планините од снег. Дневната температура ќе опадне уште за неколку степени.

Извор: МИА

Leave a Reply

Your email address will not be published.