Државата ќе го решава проблемот на лицата без лични документи

Министерството за труд и социјална политика и управата за матична евиденција упатија повик  од 1 април во наредните шест месеци за сите нерегистрирани лица да се пријават во матичните служби  во подрачните  единици, изјави минисерката Мила Царовска.

Сите лица кои живеат на територија на Македонија, а не се запишани во матичните книги, односно немаат извод, ниту било какви лични документи и не можат да ги остварат своите права, од 1 април до 30 септември ќе можат да се јават до Управата за водење матични книги да побараат дополнително запишување. Во моментов има информации дека околу 550 лица имаат ваков проблем, а се очекува со процесот да бидат опфатени околу 3.000 лица.

На овој начин надлежните очекуваат да се реши статусот на  оние лица кои воопшто не се евидентирани во системот.

Целта на овој повик е да се пријават сите лица кои се родени во Македонија а немаат извод од матична книга.

Leave a Reply

Your email address will not be published.