ВЕЧЕРВА ВО ЛОНДОН “ЕМ-ТИ-ВИ” ГИ ДОДЕЛУВА ГОДИНЕШНИТЕ ЕВРОПСКИ МУЗИЧКИ НАГРАДИ

12.XI.2017 (kamenica.mk)

Вечерва, 12 ноември, со почеток од 21 часот, во арената „Вембли“ во Лондон ќе се одржи годинашното доделување на европските музички награди на Ем-ти-ви, а домаќинка на манифестацијата ќе биде британската ѕвезда Рита Ора.

Таа ќе има и свој настап на сцената во „Вембли“, каде што ќе запеат и Деми Ловато, Камила Кабејо, Шон Мендес, Кеша, Стормзи, „Килерс“, Лиам Пејн, Тревис Скот, „Ју-ту“, Дејвид Гета со Чарли Екс-си-екс и Френч Монтана, „Клин бандит“ со Шон Пол, Ен Мари, Џулија Мајклс и Зара Ларсон, како и популарниот американски рапер Еминем,кој деновиве се врати на сцената со новиот сингл „Walk On Water“ во дует со Бијонсе.

Според бројот на номинации предводи Тејлор Свифт, која е во трка за дури шест статуетки, веднаш зад неа е канадскиот колега Шон Мендес со 5 номинации, а по 4 имаат Ед Ширан и Кендрик Ламар. Настанот ќе биде пренесуван во живо на телевизискиот канал на Ем-ти-ви, како и онлајн на www.mtvema.com. Преносот од црвениот килим ќе започне во 20.00 часот, а самото доделување во 21.00 часот (по наше време).

Leave a Reply

Your email address will not be published. Required fields are marked *